Өрөспүүбүлүкэтээҕи Роспотребнадзор салалтата коронавирус ыарыыта тарҕаныытынан сибээстээн, элбэх дьон тоҕуоруһар сирдэрин салалталарыгар дезинфекция үлэтин күүһүрдэргэ соруйда. Бу туһунан биэдэмистибэ пресс-сулууспата иһитиннэрэр.
Уопсастыбаннай тырааныспар, спортивнай уонна култуурнай-маассабай эбийиэктэр, атыы-эргиэн кииннэрин, аһы-үөлү тэрийэр, үөрэх, социальнай, доруобуйа харыстабылын уонна дьиэ-уот коммунальнай хаһаайыстыбатын тэрилтэлэрэ дезинфекциялааһыҥҥа киирсэллэр.
«Тэрилтэ салайааччылара үлэһиттэр уонна тэрилтэҕэ сылдьар нэһилиэнньэ доруобуйатын харыстыыр усулуобуйалары хааччыйаллара ирдэнэр. Бириэмэттэн биэриэмэтигэр бактериялары суох оҥорор ньыманан дьиэ иһин сууйуу уонна ультрафиолетовай лаампалары туһанан салгыны ыраастааһын булгуччулаах», — диэн этиллэр.
Хас биирдии тэрилтэҕэ, эбийиэккэ дезинфекцияны уонна доруобуйаны харыстыыр усулуобуйаны хааччыйар тэриллэр: мэдицинскэй мааскалар, салфеткалар, антисептиктар баар буолаллара ирдэнэр.
