21 Тохсунньу 21.01
  • -48°
  • $ 73,82
  • 83,32

Саха сирин Үрдүкү суута: Борис Попову дуоһунаһыттан быстах кэмҥэ туоратыы болдьоҕо уһаата

11:30, 30 июня 2017
Текст:

Боломуочуйатын үрдэтиигэ буруйданар Ньурба улууһун баһылыга Борис Попов быстах кэмҥэ дуоһунаһыттан туоратыллыбыт болдьоҕо силиэстийэ барар кэмигэр уһатылынна. Ол туһунан өрөспүүбүлүкэ Үрдүкү суутун пресс-сулууспата иһитиннэрэр.


«Бэс ыйын 27 күнүгэр силиэдэбэтэл ходатайствотынан РФ Холуобунай кодексын 286 ыстатыйатын 3  чааһын «в» пуунугар олоҕуран буруйданар Ньурба улууһун баһылыга Борис Попов быстах кэмҥэ дуоһунаһыттан туоратыллара бигэргэннэ«, — диэн биэдэмистибэҕэ эттилэр.

Ньурба оройуонун суута 2016 сыл ахсынньы 29 күнүнээҕи Борис Попову быстах кэмҥэ дуоһунаһыттан туоратар туһунан быһаарыыта бигэргэммэтэҕэ. Онтон саҥа уураах ылыллыбыта. Онно сөп түбэһиннэрэн, эбии силиэстийэ кэмигэр туоратыы болдьоҕо уһатыллыбыта.

«Бу болдьох кэмигэр суут Поповка ый аайы тиийинэн олоруу кээмэйинэн босуобуйа анаабыта«, — комментарийга эбэн эттилэр.

Санатар эбит буоллахха, Ньурба улууһун баһылыгын 2016 сыл ахсынньытыгар туппуттара. Силиэстийэ дааннайынан, кини Ньурба улууһун Күндээдэтигэр оскуола тутуутугар сокуоннайа суох дьаһалга илии баттаабыт. Докумуоҥҥа олоҕуран бэдэрээччиккэ 38 мөл.солк. ыытыллыбыт. Ыам ыйыттан Попов дьиэ хаайыытыгар олорор.

0
0
21 января 21.01
  • -48°
  • $ 73,82
  • 83,32