28 Кулун тутар 28.03
  • -11°
  • $ 92,59
  • 100,27

Саха сирин олохтоохторо бэс ыйыгар хайдах сынньаналлар

17:02, 04 июня 2020
Текст:
Читайте нас на
Яндекс Новости
ЯДВ

СИА 2020 сыл бэс ыйыгар Саха сиригэр бырааһынньык уонна сынньалаҥ күннэрин туһунан үлэ министиэристибэтин иһитиннэриитигэр сигэнэн таһаарар.


Бэс ыйын 12 күнэ — Россия күнэ. Үлэлиир дьон үс күн сынньалаҥнаах буолуохтара — бэс ыйын 12 — 14 күннэрэ. Чэппиэргэ, бэс ыйын 11 күнүнээҕи үлэ күнэ биир чаас кылгаан биэрэр.

Бэс ыйын 21 күнэ — Ыһыах күнэ. Саха Өрөспүүбүлүкэтин сокуонугар олоҕуран, өрөбүл күнүнэн биллэриллэр. Бэс ыйын 21 күнэ өрөбүлгэ түбэһэринэн, өрөбүл бэс ыйын 22 күнүгэр көһөн биэрэр.

Онон СӨ судаарыстыбаннай былааһын уоргаттарын уонна СӨ судаарыстыбаннай тэрилтэлэрин үлэһиттэригэр бэс ыйын 20 — 22 күннэрэ — өрөбүл күннэринэн ааҕыллаллар.

Сменанан үлэлиир дьон, өскөтүн сменаларын күнэ бэс ыйын 21 күнүгэр түбэстэҕинэ — кини үлэтин күнүнэн ааҕыллар уонна РФ Үлэ кодексатын 153 ыст олоҕуран, хамнаһа өрөбүл күн үлэлээбит курдук ааҕыллар.

Федеральнайдааҕы уонна олохтоох бюджеттартан үбүлэнээччилэр, итиэннэ СӨ территориятыгар үлэлиир араас киэптээх тэрилтэлэр национальнай бырааһынньыгынан үлэһиттэригэр өрөбүл бэриллиитин боппуруоһун бэйэлэрэ быһаараллар.

Бэс ыйын 24 күнэ — РФ президенин ыйааҕынан Кыайыы 75 сылын бэлиэтиир бырааһынньыгынан уонна Кыайыы Параадынан сынньалаҥ күнүнэн ааҕыллар, хамнас төлөнөр. Бэс ыйын 23 күнүн үлэтин чааһа кылгаабат. Өскөтүн бэс ыйын 24 күнэ уоппуска күнүн кытта сөп түбэспит буоллаҕына — уоппуска бу күн суотугар уһаабат.

Следите за самым важным и интересным в Telegram-канале и WhatsApp-группе ЯСИА