2022 сылга тупсарыныыга уопсастыбаннай сирдэри талыыга куоластааһын 2021 сыл муус устар 26 — ыам ыйын 30 күннэригэр ыытыллыаҕа. Олохтоохтор саҥа хайысхалары бэйэлэрэ быһаарыахтара. Регион сүрүн пресс-сулууспата СИА-ҕа иһитиннэрдэ.
Куоластааһын 13 нэһилиэнньэлээх пууҥҥа ыытыллыаҕа — Алдан, Ленскэй, Мииринэй, Нерюнгри, Ньурба, Өлүөхүмэ, Покровскай, Дьокуускай, Айхал, Майа, Нам, Сунтаар, Чурапчы.
«Куоластааһыҥҥа 80 тыһыынчаттан кырата суох киһи кыттыыны ылыахтаах. Быйыл онлайн киэбинэн ыытыллыаҕа. Анал федеральнайдааҕы платформа оҥоһулунна. Манна 14-тэн үөһэ саастаахтар судаарыстыбаннай өҥөлөр портаалларынан киирэн куоластыыллар», – диэтэ Ирина Алексеева, СӨ архитектураҕа уонна куораты тутууга управление салайааччыта.
«Формирование комфортной городской среды» бырайыак 2017 сылтан үлэлиир. Уопсастыбаннай сирдэри тупсарыыга элбэх үлэ ыытыллыбыта этилиннэ. Олус көхтөөхтөрүн Ньурба уонна Покровскай олохтоохторо көрдөрөллөр. Баһылыктан саҕалаан, бары кытталлар.
«Жилье и городская среда» бырайыагынан 2021 сылга тупсарыныыга 40 бырайыак үлэлиэ, онтон 7 уопсастыбаннай сирдэр, 33 муниципалитеттарга уопсай тиэргэттэр. 7 бөдөҥ бырайыак Мииринэйгэ, Нерюнгрига, Алдаҥҥа, Томмокко, Удачнайга, Орто Халымаҕа, Верхоянскайга оҥоһуллара былааннанар.
Сиһилии https://14.gorodsreda.ru/
