24 Ыам ыйа 24.05
  • -7°
  • $ 104,68
  • 115,6

Саха сирин охчуттара Россия чемпионатыгар үрүҥ көмүс призердарынан буоллулар

17:01, 27 января
Текст:

Саха сирин эр дьоҥҥо сүүмэрдэммит хамаандата классическай оҕунан ытыыга Россия чемпионатыгар үрүҥ көмүс призерунан буолла. Бу — историяҕа бастакы. Финалга кинилэр Забайкальскай кыраай күүстээх хамаандатын кытта кииристилэр, суруйар СИА.

Россия чемпионата Орел куоракка ыытылынна. Саха сиринээҕи эр дьон сүүмэрдэммит хамаандата инники киирсиилэргэ Кемеровскай уобалас, Свердловскай уобалас, Москва хамаандаларын баһыйа тутан, финалга тиийдилэр.

Кыһыл көмүһү былдьаһыыга Забайкальскай кыраай спортсменнара күүстээхтэрэ, ордук бэлэмнээхтэрэ биллэр. Онон саха охчуттара дойду күрэхтэһиитин үрүҥ көмүһүн ылаллар.

Өрөспүүбүлүкэ хамаандатыгар Емельян Степанов, Илья Варламов уонна Ростислав Павлов бааллар. Кинилэр Саха сирин историятыгар бу маннык ситиһиини бастакытын көрдөрдүлэр.

Следите за самым важным и интересным в Telegram-канале и WhatsApp-группе ЯСИА
0
0