VI норуоттар икки ардыларынааҕы киинэ бэстибээлигэр анаан Саха сирин оҕолоро оҥорбут «Кузнец времени» мульткиинэлэрэ Белоруссияҕа ыытыллыбыт «Анимаевка» норуоттар икки ардыларынааҕы анимационнай киинэлэр бэстибээллэригэр бастаата, «За лучшее художественное решение» номинацияҕа. Маны сэргэ Италиятааҕы норуоттар икки ардыларынааҕы кылгас киинэлэр бэстибээллэригэр дьүүллүүр сүбэ бэлиэтээһинигэр киирдилэр, суруйар СИА.
2020 сыл кулун тутарыгар VI норуоттар икки ардыларынааҕы бэстибээлгэ анимацияҕа маастар-кылаас ыытыллыбыта. Манна 7-10 саастаахтар кыттыбыттара: Гена Антонов, Ариана Ермолаева, Арина Стручкова, Полина Стручкова, Катя Округина, Арылхан Колесов, Лена Леджинова, Уйгууна Самсонова, Софья Романова уонна Полина Славинская. Кинилэри Санкт-Петербург «ДА» анимацияҕа устуудьуйатын уопуттаах педагогтара Полина Чернявская уонна Антон Афанасьев салайбыттара. Оҕолор ити кэмҥэ «Кузнец времени» мульткиинэ оҥорбуттара.
Тэрийээччилэр иһитиннэрбиттэринэн, мульткиинэ «Анимаевка» бэстибээлгэ уонна Италияҕа Corti a Ponte ситиһиилэннилэр. Оттон Хорватияҕа Wafi & Rafi бэстибээл чэрчитинэн «Кузнец времени» мульткиинэ көрдөрүүгэ таҕыста.
