Саха Өрөспүүбүлүкэтигэр “Саха сирин кыһыл көмүс ыаллара” (“Золотые семьи Якутии”) – өрөспүүбүлүкэ дьиэ кэргэнин нэһилиэстибэтин лиэтэпиһин 8-с таһаарыыта күн сирин көрдө, суруйда «Саха сирэ» сайт.
Арассыыйаҕа Учуутал уонна уһуйааччы, Саха Өрөспүүбүлүкэтигэр Үлэ сылыгар аналлаах кинигэҕэ үгүс сылларга тапталларын уонна бэйэ-бэйэлэрин харыстаһан кэлбит, эдэр көлүөнэҕэ олоххо муударастарын уонна баай духуобунай, майгы-сигили өрүттэрин биэрбит 103 ыал туһунан матырыйаал киирбит.
Ахсынньы 18 күнүгэр кинигэни үөрүүлээх быһыыга-майгыга сүрэхтээтилэр.
Кинигэ тахсыытынан өрөспүүбүлүкэ салалтатын аатыттан Саха сирин бырабыыталыстыбатын бэрэссэдээтэлин солбуйааччы Георгий Степанов эҕэрдэлээтэ. Вице-премьер үйэ аҥаарыттан ордук кэм устата тапталынан уонна дьолунан олорбут, оҕолору, сиэннэри, хос сиэннэри ииппит уонна төрөөбүт өрөспүүбүлүкэлэрин сайдыытыгар биллэр кылааттарын киллэрбит ытыктабыллаах ыаллар тустарынан дэҥҥэ көстөр бырайыагы өрөспүүбүлүкэ Үлэҕэ министиэристибэтин өйөбүлүнэн ЗАГС управлениетын кэлэктиибэ олоххо киллэрбитин бэлиэтээтэ.
Кинигэ сүрэхтэниитигэр СӨ ЗАГС управлениетын салайааччы Тамара Кривошапкина, СӨ үлэҕэ уонна социальнай сайдыыга миниистирин солбуйааччы Елена Теплякова, СӨ Судаарыстыбаннай Мунньаҕын (Ил Түмэн) дьиэ кэргэн уонна оҕо аймах дьыалатыгар бастайааннай кэмитиэтин бэрэссэдээтэлэ Алена Атласова уо.д.а. эҕэрдэлээтилэр.
“Норуодунай” кинигэни таһаарыы үгэһин СӨ бырабыыталыстыбата өйүүр.
