29 Бэс ыйа 29.06
  • -7°
  • $ 104,68
  • 115,6

Саха сирин күрэхтэһиитин уонна чемпионатын трассатыгар 200 күүстээх хайыһардьыт таҕыстылар

14:01, 07 апреля

Алдан куоракка хайыһар спордугар өрөспүүбүлүкэтээҕи спортивнай оскуолатын базатыгар Саха Өрөспүүбүлүкэтин хайыһарга күрэхтэһиитин уонна чемпионатын үөрүүлээхтик аһыы буолла. Өрөспүүбүлүкэ күүстээх хайыһардьыттарын күрэхтэһиитэ муус устар 10 күнүгэр диэри барыаҕа, диэн Спорт министиэристибэтин пресс-сулууспата иһитиннэрэр .

Үбүлүөйдээх тэрээһиҥҥэ Саха Өрөспүүбүлүкэтин физическэй култуураҕа уонна спорка миниистирэ Леонид Спиридонов, Олимпийскай чемпион, аан дойду үс төгүллээх чемпиона, спорт үтүөлээх маастара Никита Крюков, хайыһарга өрөспүүбүлүкэ спортивнай оскуолатын дириэктэрэ Максим Скупой  уонна «Алдан оройуона» муниципальнай тэриллии салалтата кытыннылар.

Күрэхтэһии кыттыылаахтарын эҕэрдэлээн туран, миниистир өрөспүүбүлүкэ биэдэмистибэлэрин уонна спортивнай общественноһын аатыттан Никита Крюковка эдэр хайыһардьыттарга умсугутуулаах маастар-кылааһы тэрийбитин уонна сүүмэрдиир күрэхтэһиигэ бочуоттаах ыалдьыт быһыытынан кыттыбытын иһин махтанна.

Ону тэҥэ, кини хайыһар спордун өрөспүүбүлүкэтээҕи спортивнай оскуолатын иитиллээччиттгэр Анастасия Дубоваҕа спорт маастара удастабырыанньатын туттарда, талааннаах  оҕолор граннарын кыайыылааҕар Людмила Брониковаҕа өйдөбүнньүк бэлэҕи туттарда; эдэр биатонистар ортолоругар бүтүн Арассыыйатааҕы «Анны Богалий – SKIMiR»  кубогар күрэхтэһиилэр кыайыылаахтарыгар Ксения Янополецка уонна кини тус тренеригэр Александр Лукьяновка эмиэ өйдөбүнньүк бэлэх туттарда.

«Эппиэттээх күрэхтэһии саҕаламмытынан эҕэрдэлиибин уонна түргэн хайыһары, чаҕылхай кыайыыны баҕарабын», — диэн Леонид Николаевич кыттыылаахтарга баҕа санаатын эттэ.

Следите за самым важным и интересным в Telegram-канале и WhatsApp-группе ЯСИА
0
0