24 Ыам ыйа 24.05
  • -7°
  • $ 104,68
  • 115,6

Саха сирин хапсаҕайдьыттара сумоҕа холонуохтара

13:02, 03 февраля 2021
Текст:

Олунньу 12-14 күннэригэр Казаньҥа ыытыллар Арассыыйа сумоҕа чөмпүйэнээтигэр Саха сирин хапсаҕайдьыттара кыттыахтара.


Барыта 12 спортсмен кыттыа:

70 киилэҕэ Вилюян Иванов (Үөһээ Бүлүү), Игнат Андросов (Таатта);

77 кг — Рустам Прокопьев (Үөһээ Бүлүү);

85 кг — Олег Чернов (Томпо), Игорь Софронеев (Нам), Платон Саввинов (Үөһээ Бүлүү);

92 кг — Павел Дорофеев (Сунтаар);

100 кг — Степан Пахомов (Сунтаар), Александр Румин (Нам);

115 кг — Гаврил Михайлов (Сунтаар), Евгений Алексеев (Уус-Алдан);

115 киилэттэн үөһээ ыйааһыҥҥа Ньурбаттан Дьулус Андреев киирсиэ.

Бөҕөстөрү кытары Саха сирин сумоҕа Федерациятын салайааччы Дмитрий Петров барсыа.

«Спорт Якутии» суруйарынан Саха сирин хамаандата сумо күрэхтэһиилэригэр кыттыбыт уопута кыра. Холобур, 2019 сыллаахха Смоленскайга ыытыллыбыт күрэххэ Увар Тимофеев, Евгений Алексеев уонна Александр Халыев кыттыылаах Саха сирин сүүмэрдэммит хамаандата Арассыыйа Кубогын кыайыылааҕынан буолта. Онно өрөспүүбүлүкэ сумоистара Осетия хамаандатын 2:1 ахсааҥҥа кыайбыттара. Маны таһынан, икки сыллааҕыта бөҕөстөр Тываҕа ыытыллыбыт норуоттар ардыларынааҕы күрэххэ кыттыбыттара.

Следите за самым важным и интересным в Telegram-канале и WhatsApp-группе ЯСИА
0
0