13 От ыйа 13.07
  • 16°
  • $ 87,74
  • 95,76

Саха сирин хамаандата Чувашияҕа I Национальнай спорт көрүҥнэригэр Аан дойдутааҕы оонньууларга кыттар

12:13, 06 октября 2023
Читайте нас на
Яндекс Новости
ЯДВ

Чувашияҕа алтынньы 4-8 күннэригэр буола турар I Национальнай спорт көрүҥнэригэр Аан дойдутааҕы оонньууларга Саха сирин хамаандата хапсаҕайга, мас тардыһыыга кыттар, НВК Саха телеграм-ханаал суруйар.

Кинилэри кытта аҕыс дойду спортсменнара киирсэллэр — Афганистантан, Ирантан, Кыргызстантан, Таджикистантан, Туркменистантан, Турцияттан уонна Узбекистантан. Чувашия баһылыга Олег Николаев саха бөҕөстөрө бу күрэскэ кыттан, түүр бары омуктарыгар аартыгы арыйдыгыт диэн бэлиэтээбит. Хапсаҕай федерациятын вице-бэрэсидьиэнэ Вячеслав Нестеров Ил Дархан Айсен Николаев аатыттан киниэхэ махтанна уонна бу хайысхаҕа уопсай бырайыактарга кыттарга бэлэмин биллэрдэ.

Күрэс бырагырааматыгар маннык көрүҥнэр киирдилэр — айкидо, курдаах киирсии, каратэ, киокушин, мас-тардыһыы, хапсаҕай, «керешу» киирсии, хаһаактыы илиинэн киирсии, батыйалаах киирсии, ориентал, учкур, шахбокс, кыргыш курош.

Следите за самым важным и интересным в Telegram-канале и WhatsApp-группе ЯСИА