Саха сирин хайыһардьыттара Россия хайыһарга спордугар Федерация күрэхтэһиитигэр ситиһиилээхтик кытыннылар. Хамаанда биэс мэтээли иилиннэ.
Саха сирин хайыһардьыттарын ситиһиилэрин СИА-ҕа РСШОР тэрилтэ пресс-сулууспата кэпсээтэ. Кыһыл көмүс мэтээли иилинэн, чемпион аатын Алдан хайыһардьыта Михаил Соснин ылла.
Үрүҥ көмүс Россия спордун маастарыгар Александр Филипповка тигистэ. Амма олохтооҕо Никита Шестаков үһүс миэстэҕэ таҕыста уонна хайыһарга спорт маастарын нуорматын толордо.
Икки боруонса мэтээли Анастасия Дубова тус бэйэтигэр уонна хамаандаҕа киллэрдэ. Кини квалификациятыгар бастакы миэстэни ылла.
Спринтерскай киирсии финалыгар классикаҕа боруонсаны уонна 5 км дистанцияҕа көҥүл стилинэн призердаата.
Бары сырсыыларга Евгения Сергеева бэйэтин көрдөрдө. 10 км көҥүл стильга төрдүстээтэ, боруонсаттан 30 сөк хаалла.
