24 От ыйа 24.07
  • 28°
  • $ 87,3
  • 95,46

Саха сирин эдэр ырыаһыта Айыылана Москватааҕы бэстибээлгэ Анита Цойдуун ыллыаҕа

13:01, 30 сентября 2020
Текст:
Читайте нас на
Яндекс Новости
ЯДВ

Ньурба улууһун Өҥөлдьөтүттэн төрүттээх эдэр ырыаһыт Айыылана Степанова Москваҕа «Белая трость» норуоттар икки ардыларынааҕы аһымал бэстибээлигэр кыттыаҕа. Ол туһунан өрөспүүбүлүкэ вице-премьера Ольга Балабкина бэйэтин Telegram-ханаалыгар суруйда. 


«Белая трость» бэстибээл 11 төгүлүн ыытыллар. Сылын аайы тэрийээччинэн биллиилээх ырыаһыт, Россия үтүөлээх артыыската Диана Гурцкая «По зову сердца» диэн пуондата кыттар.

«Саха сириттэн эдэр сулуспут уонна «Голос» устуудьуйа ырыаһыта Айыылана Степанова кыттыаҕа», – диэн суруйар Ольга Балабкина. 

Айыылана Россия үтүөлээх артыыската Анита Цойдуун алтынньы 14 күнүгэр «Русская песня» фольклор Москватааҕы судаарыстыбаннай музыкальнай тыйаатырыгар гала-кэнсиэр кэмигэр дуэттыаҕа.

Санатар эбит буоллахха, Айыылана өссө 5 саастааҕар бастакы сольнай кэнсиэрин туруоран дьону сөхтөрбүтэ. 2015 сыллаахха иккис кэнсиэрэ ыытыллыбыта уонна ырыаларын хомуурунньуга дискэҕэ тахсан тарҕаммыта. 2017 “Мин көрөбүн сүрэхпинэн” ырыаҕа клип уһуллубута. Манна Айыылана Рома Винокуровы, Мичил Моисеевы кытта ыллаабыттара. Ааспыт сыл сэтинньитигэр өссө биирдэ кэнсиэртээбитэ. Араас таһымнаах ырыа бэстибээллэрин кыайыылааҕа.

Следите за самым важным и интересным в Telegram-канале и WhatsApp-группе ЯСИА