Бэс ыйын 15 күнүттэн Арктика улуустарыгар дьону сөмөлүөтүнэн чэпчэтиллибит билиэттэринэн тиэйии-таһыы саҕаланна.
Субсидиялаах рейстэр Баатаҕайтан, Белай Гораттан, Эдьигээнтэн, Өлөөнтөн, Сааскылаахтан, Тиксииттэн, Усть-Куйгаттан уонна Хонууттан Дьокуускайга диэри уонна төттөрү хайысханан оҥоһуллуохтара. Бу туһунан СӨ Тырааныспарын уонна суол хаһаайыстыбатын министиэристибэтэ иһитиннэрэр.
Чэпчэтиилээх билиэтинэн Арктика нэһилиэнньэлээх пууннарыгар олорор, онно куруук пропискалаах дьон туһанар бырааптаахтар. Саҥа ирдэбилинэн, пассажир Саха сирин олохтооҕун ID-тын (сыыппара дастабырыанньатын) көрдөрүөхтээх. Бу миэрэ судаарыстыбаннай өйөбүлү аадырыстаан биэриигэ уонна албыннааһыны таһаарбат туһугар ылылынна. Алта саастарыгар диэри оҕолор Карта ирдэммэт.
Маны тэҥэ, киһиэхэ сылга анаан рейс квотата олохтонно. Пассажир сылга биир айан (барыы уонна кэлии) уонна биир төннүү билиэтин эбэтэр биир хайысхаҕа икки билиэти атыылаһар бырааптаах.
Авиабилиэттэри «Полярные авиалинии» уонна «Якутия» авиахампаанньалар официальнай сайттарыгар уонна каассаларыгар атыылаһыахха сөп.
