Саха сирин айылҕата дьикти ураты кэрэ көстүү. Ыам ыйыгар Сунтаарга ардах түһэр, Анаабырга хаардыыр эбэтэр Хаҥаласка тыраахы ынаҕы үүрэр, Мэҥэ Хаҥаласка балык киэптээх көлүкэчээн үөскүүр.
Айылҕа дьиктитин дьон хаартыскаҕа түһэрэн, видеоҕа устан СИА-ҕа ыытар. Атын эрэгийэн олохтоохторо ураты кэрэ көстүүнү билсэллэригэр, билэллэригэр анаан.
Үс хонуктааҕыта Эбээн-Бытантай улууһун Саккырыыр олохтооҕо Яна Рожина Топпо үрүйэтин таһыгар муус-хаар остуолу хаартыскаҕа түһэрдэ.
Оттон Хаҥалас улууһугар Хоточчу олохтооҕо Октябрина Леверьева күөл ортотугар аһыы олорор андаатары, оттон Тойон Арыыга Александр Корякин ыанар ынаҕар тыыраахы сабыта түһүтэлээбитин видеоҕа уһуллулар. «Наһаа көрүдьүөс», — диэтилэр.
Чурапчыга Михаил күрүөтүн тутта сылдьан, чаччыгыныар сымыыттаах уйатын булла. «Мас ылаары илиибин ууммуппар эмискэ туох эрэ көтөн таҕыста, өйдөөн көрбөтүм. Уйалаах эбит, дьикти-дьиибэ сымыыттаах», — диэн кэпсээтэ кини.
Хаартыска: СИА ааҕааччыта Михаил
Мэҥэ Хаҥалас улууһугар аатарбыт Төҥүлү эбэ аттыгар саха киһитин тыынын өллөйдөөбүт собо балык киэптээх көлүкэчээни Марфа Сидорова хаартыскаҕа түһэрэн ыытта:
Хаартыска: Марфа Сидорова
