Саха сиригэр ас-үөл хаачыстыбатын уонна куттала суох буолуутун хааччыйар дьаһаллар тустарынан сокуон барыла биһирэннэ. Ил Түмэн көрүүтүгэр ыытыахтара.
Сокуон барылынан ас-үөл бородууктатын хаачыстыбатын уонна куттала суох буолуутун хааччыйыыга сүрүннүүр сэбиэт тэриллэрэ, ону сэргэ национальнай ас испииһэгин бигэргэтии, «Саха сирин аһа-үөлэ» табаарынай бэлиэлэрин оҥоруу уонна регистрациялааһын киирэллэр.
Докумуон сыала – өрөспүүбүлүкэ оҥорон таһаарааччыларын өйүүр, дэлэтэр, нэһилиэнньэҕэ туттуллар бородуукта хаачыстыбалаах уонна куттала суох буолуутун хааччыйар, киһи олоҕун уонна доруобуйатын харыстыыр. Ону таһынан кини дойду ырыынагар национальнай бородууксуйаны биллэрэр кыаҕын үрдэтиигэ уонна тарҕатыыга көмөлөһөрө былааннанар.
