Саха сиригэр ниэп бородууктатын хааччыйыыны туруктаах оҥоруу үлэтэ салҕанар. Арассыыйа энергетика министиэристибэтин уонна Арассыыйа илин сайдыытын министиэристибэтин кытта хотугу тиэйии чэрчитинэн уматыгы аҕалыыны хааччыйар дьаһаллар ылыллаллар, диэн иһитиннэрэр sakha.gov.ru саайт.
От ыйын 27 күнүнээҕи туругунан өрөспүүбүлүкэҕэ тимир суол уонна өрүс тырааныспарынан массыына бэнсиинин уонна дизельнэй уматык саҥа баартыйалара айанныыллар. «Саханефтегазсбыт» АК аадырыһыгар АИ-95 бэнсииннээх уонна дизельнэй уматыктаах тимир суолунан Томмот ыстаансыйатыгар аҕалыллар. Аллараа Бэстээх ниэп баазатыгар дизельнэй уматык Дьокуускайдааҕы ниэп баазатыттан массыынанан тиэрдиллиэҕэ. Уус-Куттан өрүс суолунан бу уматыгы ылыы ыытыллар.
Ону таһынан Уус-Кут нефтебазатыгарниэп баазатыгар Саха сиригэр ыытыллар АИ-92, АИ-95 бэнсиин уонна араас мааркалаах дизельнэй уматык бэлэннэммит.
Атын оператордарга эмиэ тиэйии-таһыы салҕанар. «НК «Туймаада-нефть» АУо аадырыһыгар Аллараа Бэстээх ыстаансыйатыгар АИ-92 уонна АИ-95 бэнсииннээх, дизель уонна авиация уматыктаах вагоннар айанныыллар. «СибОйл» ХЭО-га эмиэ араас мааркалаах бэнсиини уонна дизель уматыгын аҕалыы көрүллэр.
Үс массыына сапараапкалыыр ыстаансыйаҕа, биирэ Алдаҥҥа уонна иккитэ Нерюнгри куоракка, тиэрдии туруктаах буолуор диэри qr-кодунан уматыгы быстах кэмҥэ ылыы оннунан хаалар. Хааччахтааһыннар региону ниэпь бородууктатынан туруктаах хааччыйыы чөлүгэр түспүтүн кэннэ уһуллуохтара.
