29 Кулун тутар 29.03
  • -14°
  • $ 92,26
  • 99,71

Саха сиригэр тулаайах оҕолору дьиэнэн хааччыйыахтара

17:01, 22 октября 2021
Текст:
Читайте нас на
Яндекс Новости
ЯДВ

Ил Дархан Айсен Николаев иилээбит, тулаайах хаалбыт оҕолору дьиэнэн хааччыйар уонна билиҥҥи уочараттарын түргэтитэр саҥа механизм сокуонун бырайыагын Ил Түмэн маҥнайгы ааҕыытыгар ылыннылар.

Тулаайах уонна төрөппүттэрин көрүүтэ суох хаалбыт 23 саастарыттан улахан оҕолорго дьиэ сертификатын биэрэр туһунан кэпсэтии барар. Бу сертификатынан тустаахтар элбэх кыбарытыыралаах дьиэ долевой тутуутугар кыттыахтарын син диэн Тутуу министиэристибэтин пресс-сулууспата биллэрэр.

Бу дьиэ сертификатын ыларга, оҕо социальнай адаптациялааҕын туоһулуур, кэккэ ирдэбил баар.

Холобура, дьиэ ылыахтаах оҕо туттулла сылдьар суутунан буруйа суох буолуохтаах. Наркологическай уонна психоневрологическай диспансерга сытыа суохтаах. Биир сылтан итэҕэһэ суох бастайааннай үлэлээх буолуохтаах(бу ирдэбил 3 сааһыгар диэри оҕолоох,эбэтэр инбэлиит оҕолорун көрөн олорор дьахталларга тарҕаммат). Аны туран, бу киһи чахчы дьиэҕэ наадыйар диэн олохтоох дьаһалтаны кытары сөбүлэҥээх буолуохтаах.

Бүгүҥҥү туругунан, 2259 тулаайах хаалбыт оҕолорго, сокуон быһыытынан дьиэ бэриллиэхтээх, бу барыларыттан 672 оҕо 23 саастарын сиппиттэр.

Саҥа механизм олоххо киирдэҕинэ, тулаайах оҕолор мунньубут эбэтэр кирэдьиит ылбыт харчыларын,  ийэ хапытаалын эбэннэр, сокуонунан көрүллэринээҕэр улахан дьиэни ылыахтарын сөп буолуоҕа.

Дьиэ ылаллаларыгар төлөбүр застройщик эбэтэр дьиэ хаһаайынын счетугар киириэҕэ, оҕо чааһынай счетугар бу харчы киирбэт. Төлөбүр кээмэйэ 33 кв м. сыанатыттан тутулуктаах.

Следите за самым важным и интересным в Telegram-канале и WhatsApp-группе ЯСИА