29 Кулун тутар 29.03
  • -14°
  • $ 92,26
  • 99,71

Саха сиригэр тохсунньуга 865 оҕо күн сирин көрдө

17:01, 02 февраля 2022
Читайте нас на
Яндекс Новости
ЯДВ

Тохсунньуга өрөспүүбүлүкэҕэ 865 оҕо төрөөтө: 456 уол уонна 409 кыыс, диэн регион баһылыгын уонна бырабыыталыстыбатын пресс-сулууспата иһитиннэрдэ.

ЗАГС салалтатын дааннайынан, тохсунньуга кыргыттарга төрөппүттэр ордук сөбүлээн София (Софья), Ева, Алиса, уолаттарга — Александр, Ян, Артем диэн ааттары биэрбиттэр.

Саха сирин аҕа баһылыга Айсен Николаев быһаарыытынан 2022 сыл тохсунньу 1 күнүттэн ахсынньы 31 күнүгэр диэри төрөөбүт оҕолорго «Үйэ оҕолоро»  100 тыһыынча солк. суумалаах тус сыаллаах хапытаал олохтоммута.

Бу хапытаалынан туһанарга анаан биэдэмистибэҕэ сылдьар наадата суох. Сүрүн ирдэбилэ диэн, оҕо төрөппүттэрэ Саха сирин олохтоохторо буолуохтаахтар, регистрация баара булгуччулаах.

Маны таһынан, тус сыаллаах хапытаалы ийэ хапытаалын курдук эмиэ туһаныахха син. Холобур, дьиэ-уот усулуобуйатын тупсарыыга, оҕону үөрэхтээһиҥҥэ, тырааныспар ыларга, тус хаһаайыстыбаны сайыннарыыга, ол иһигэр тыа хаһаайыстыбатын тиэхиникэтин атыылаһыыга, үрдүк технологиялаах медицинскэй көмөҕө, медицинскэй уонна социальнай реабилитациялааһыҥҥа, санаторнай-курортнай эмтээһиҥҥэ, ол иһигэр өрөспүүбүлүкэ тас өттүгэр айан төлөбүрүн киллэрэн туран, эмп атыылаһыыга эмиэ туһанар көҥүллэнэр.

Саха сирин аҕа баһылыга Айсен Николаев ыйааҕынан, 2022 сылга тохсунньу 1 күнүттэн ахсынньы 31 күнүгэр диэри төрөөбүт оҕолорго «үйэ оҕолоро» диэн 100 тыһыынча солк. кээмэйдээх тус сыаллаах хапытаал  ананар, диэн бырабыыталыстыба пресс-сулууспата санатар.

Хапытаалынан туһанарга анал сайабылыанньа суруйар наадата суох. Бу хапытаалы оҕо төрөөбүтүн туһунан туоһу суругу кытары биэдэмистибэ бэйэтэ дьаһайан оҥорор. Маныаха төрөппүттэр иккиэн РФ гражданиннара буолуохтаахтар уонна өрөспүүбүлүкэ сиригэр- уотугар регистрациялара ирдэнэр, ону сэргэ ЗАГС уорганнарыгар оҕо төрөөбүтүн туһунан туоһу ылыахтаахтар.

Следите за самым важным и интересным в Telegram-канале и WhatsApp-группе ЯСИА