Быйылгы сыл бастакы аҥарыгар Саха сирин сиригэр- уотугар 60- ча тыһыынча кэриҥэ саа бэрибиэркэтэ ыытылынна. Ол түмүгэр сааны харайыы уонна туһаныы быраабылаларыгар араас кэһиилэр иһин 3753 сааны былдьаатылар, 2995 административнай боротокуол оҥоһулунна.
Ону таһынан 2022 сыл саҥатыттан харчынан төлөбүр иһин барыта 769 сааны 4 аҥар мөлүйүөн солкуобай суумаҕа туттардылар.
Инспектордар этэллэринэн, саа сэбин бас билээччилэр сүрүннээн, сааларын бэлиэтээһиҥҥэ болдьохторун кэһэллэр, эбэтэр олорор сирдэрин уларытан баран ону тута биллэрбэккэ хаалаллар. Көҥүллүүр докумуоннар сокуонунан олохтоммут болдьохторугар оҥоһуллуохтаахтар.
