Учуонайдар чуолкайдаабыттарынан, 80-с сыллар бүтүүлэригэр холоотоххо, билигин кыталык ахсаана уон төгүл эбиллибит.
Саха сирин орнитологтара 7 тыһыынча кыталыгы Индигирка өрүс дельтатыгар күһүҥҥү көһүү кэмигэр аахтылар. Дааннайы Кытай учуонайдара бигэргэттилэр. Кинилэр сэдэх көтөрдөрү Поянг күөлгэ кэтээн көрөллөр, онно кыстыыллар.
Исписэлиистэр 1980 сылтан кыталык ахсаана уон төгүл улааппытын эттилэр, оччолорго 800-чэкэ эрэ баара.
Сэдэх көтөрдөрү харыстааһыҥҥа Россия уонна Кытай бииргэ үлэлииргэ меморандум баттаабыттара. Оттон Саха сирэ уонна доҕордуу Цзянси провинция кыталык илиҥҥи популяциятын харыстааһыҥҥа сөбүлэҥ суруйсубуттара.
Дьаһал «Экология» национальнай бырайыак чэрчитинэн үлэлиир.
