Бэс ыйын 8 күнүн туругунан, өрөспүүбүлүкэ улуустарын үгүс хаһаайыстыбалара сүрүн культураларын ыһыытынан уонна олордуутунан көхтөөхтүк дьарыктаналлар.
Сыала-соруга — ыһыы уопсай иэнин 52,6 тыһ. гектарга тиэрдии (2025 сыллааҕар +1,5 тыһ. га). Оҥоһуллар бааһына уопсай иэнэ 60 тыһ. гектар (ааспыт сыллааҕар 103%), паарга былаан 7,4 тыһ. гектарга диэри улаатта, диэн суруйда тыа хаһаайыстыбатын министиэристибэтин пресс-сулууспата.
Ыһыы хаамыыта бэс ыйын 8 күнүгэр:
Туорахтаах культуралар – 10 413 га (12,4 тыһ. га былаантан 84%):
Эбиэс – 7 246 га
Ньэчимиэн – 1 954 га
Сэлиэһинэй – 1 213 га
Эбии аһылык – 16 069 га (32,4 тыһ. га былаантан 50%):
Урукку сыллар элбэх сыллаах ото – 11 621 га
Биир сыллаах эбии аһылык – 4 048 га
Быйылгы сыл элбэх сыллаах ото – 400 га
Хортуоппуй – 4 631 га (6,4 тыһ. га былаантан 72%)
Аһаҕас буорга үүнэр оҕуруот аһа – 690 га (1,4 тыһ. га былаантан 50%):
Хаппыыста – 223 га
Моркуоп – 188 га
Сүбүөкүлэ – 151 га
Атын оҕуруот аһа – 128 га
Былааннаммыт валовай хомуур:
Туораахтаах культура – 14 тыһ. туонна
Хортуоппуй – 76 тыһ. туонна
Оҕуруот аһа (аһаҕас уонна сабыылаах буор) – 29,1 тыһ. туонна.
