18 От ыйа 18.07
  • 17°
  • $ 88,09
  • 96,3

Саха сиригэр РФ Бэрэсидьиэнин быыбарын иннинээҕи куоластааһын саҕаланна

11:07, 26 февраля
Текст:
Хаартыска: Саха сирэ саайт
Читайте нас на
Яндекс Новости
ЯДВ

Хаҥалас улууһун Улахан Аан нэһилиэгэр 634 №-дээх учаастактааҕы быыбардыыр хамыыһыйа чилиэннэрэ олунньу 25 күнүгэр  сылгы боруодатын тупсарыыга уонна племенной үлэҕэ «Бөртө» хаһаайыстыба сылгыһыттарыгар  Дойду Бэрэсидьиэнин быыбарын иннинээҕи куоластааһыны ыыттылар.

Учаастактааҕы быыбардыыр хамыыһыйа бэрэссэдээтэлэ Юлия Петрова, чилиэннэрэ Алена Максимова уонна Виктор Ефремов куоластааһыны тэрийиигэ кыһынын сылгыһыттар олорор «Сыһыы» арыыга таҕыстылар.

Юлия Николаевна кэпсииринэн, учаастактааҕы быыбардыыр хамыыһыйа чилиэннэрэ уопуттаахтар. Алена Васильевна – акушерка, билигин оҕолонон уоппускаҕа сылдьар, Виктор Григорьевич  — сылгы иитиитинэн дьарыктанар. Оттон Юлия Петрова оҕо уһуйаанын иитээччитэ.

Сылгы баазатыгар үс сылгыһыт куоластаата уонна быыбардыыр хамыыһыйаҕа махтаннылар диэн Киин быыбардыыр хамыыһыйа иһитиннэрэр.

Санаттахха, Саха сиригэр уустук суоллаах, ыраах сытар улуустарынан уонна нэһилиэктэринэн Дойду Бэрэсидьиэнин быыбарын иннинээҕи куоластааһын олунньу 25 күнүттэн саҕаланна. Көһө сылдьар учаастактааҕы быыбар хамыыһыйаларын чилиэттэрэ куоластааһыҥҥа 12 тыһыынча кэриҥэ киһини хабар былааннаахтар.

Следите за самым важным и интересным в Telegram-канале и WhatsApp-группе ЯСИА