20 От ыйа 20.07
  • 17°
  • $ 88,02
  • 96,04

Саха сиригэр почтальоннар социальнай өҥөлөрү оҥоруохтара

10:28, 01 сентября 2022
Текст:
Читайте нас на
Яндекс Новости
ЯДВ

Саха сиригэр Россия почтатын үлэһиттэригэр көмөҕө наадыйар социальнай үлэһиттэр эбээһинэстэрин сорҕото бэрилиннэ. Бу практика дойдуга аан бастаан киирэр, диэн СИА кэпсиир.

Бииргэ үлэлээһин туһунан сөбүлэһиигэ Россия почтата уонна Саха сирин үлэҕэ уонна социальнай сайдыыга министерствотын иһинэн социальнай төлөбүрдэри уонна үбү- харчыны тириэрдиигэ киинэ илии баттаатылар.

Почта өрөспүүбүлүкэтээҕи салаатын директора бэлиэтээбитинэн, үлэһиттэргэ социальнай үлэһиттэр эбээһинэстэрин сорҕолорун биэриэхтэрэ. Билигин почта үлэһиттэрэ наадыйааччыларга ас- үөл атыылаһалларыгар, корреспонденция ыыталларыгар-аҕалалларыгар, коммунальнай төлөбүрдэри оҥороллоругар уонна атын социальнай-бытовой өҥөлөрү ылалларыгар көмөлөһүөхтэрэ.

«Россия почтата соҕотох пенсионердар күннээҕи кыһалҕаларын толунууларыгар өйөбүлү ылалларын туһугар араас ньыманы туттар. Биһиги бастакы уочараттаах сорукпут — мөлтөх доруобуйалаах дьоҥҥо туһаайан көмөлөһүү. Почтальоннар табаары-бородууктаны, эми-тому атыылаһаллар, хаан баттааһынын кээмэйдииллэр, көрбөт дьоҥҥо ааҕан биэриэхтэрэ», – диэн Петр Птицын бэлиэтээтэ.

Оттон киин директора Ольга Колосова чуолкайдыырынан, билигин Арассыыйа почтата Саха сирин уон оройуонугар 37 киһиэхэ өҥөнү оҥорууга сертификаты ылла. Пилотнай бырайыак Мэҥэ Хаҥалас, Уус Алдан, Алдан, Амма, Томпо, Нам, Бүлүү, Сунтаар, Нерюнгри уонна Ньурба оройуоннарыгар ыытыллыаҕа.

Следите за самым важным и интересным в Telegram-канале и WhatsApp-группе ЯСИА