21 Муус устар 21.04
  • $ 93,44
  • 99,58

Саха сиригэр олорор дьиэ биир квадратнай миэтэрэтин сыанатын нуормата түстэ

14:34, 01 апреля
Текст:
Хаартыска: Саха сирэ саайт
Читайте нас на
Яндекс Новости
ЯДВ

Тутуу министиэристибэтэ 2024 сыл иккис кыбаарталыгар олорор дьиэ биир квадратнай миэтэрэтин сыанатын нуорматын бигэргэттэ.

Үгүс эрэгийиэннэринэн сыана кыратык үрдээтэ. Ордук дьиэ сыаната квадратнай миэтэрэтигэр Алтай Өрөспүүбүлүкэтигэр 114-тэн 131 тыһ. солк. диэри уонна Еврейскэй аптаныамыйалаах уокурукка 84-тэн 100 тыһ. солк. диэри үрдээтэ. Бу туһунан «Известия» суруйар.

Оттон Саха сиригэр, Тульскай уобаласка, Севастопольга, Ямало-Ненецкэй аптаныамыйалаах уокурукка уонна Тываҕа сыана арыый да түстэ. Холобур, Саха сиригэр  олорор дьиэ биир квадратнай миэтэрэтин сыаната 137 721 солк. буолла.

Санаттахха, бу сыл бастакы кыбаарталыгар  олорор дьиэ биир квадратнай миэтэрэ сыанатын нуормата 139 313 солк. этэ.

Бу дааннайдар хаарбах туруктаах дьиэлэртэн көһөр ыалларга, олорор дьиэ сэртипикээтин социальнай төлөбүрүн суоттуурга, ону таһынан олорор дьиэ сэртипикээтин сууматын ааҕарга наадалаах.

Манна даҕатан эттэххэ, эспиэрдэр этэллэринэн, нэһилиэнньэ дьиэ атылааһарыгар чахчы билиҥҥи сыаната уонна суоттанар туруга араастыырын таһынан, ипотечнай ыстаапкатын түһэрии, судаарыстыба өттүттэн күүстээх хонтуруоллааһын ыытара эмиэ улахан суолталаах, суруйда Саха сирэ саайт.

Следите за самым важным и интересным в Telegram-канале и WhatsApp-группе ЯСИА