Саха сиригэр ойуур баһаарын умулларыыга 1,4 тыһыынчаттан тахса киһи, 43 анал тиэхиньикэ уонна авиация үлэлиир.
Чэппиэр күн өрөспүүбүлүкэ тыа хаһаайыстыбатыгар департаменын салайааччыта Алексей Гоголев иһитиннэрбитинэн, сууккаҕа 2,6 тыһыынча гектар иэннээх сиргэ 12 ойуур баһаарын тохтоттулар, 16 саҥа уот турбут сирин буллулар. Атырдьах ыйын 10 күн сарсыарда барыта 118 баһаар үлэлиир.
Ойуурга уоту утары баһаарынай тэрилтэлэлэртэн 1474 киһи, 43 анал тиэхиньикэ, 10 сөмөлүөт, 8 бөртөлүөт үлэҕэ тардылынна.
Опершаб дааннайынан, Саха сиригэр сезон саҕаланыаҕыттан 699 ойуур баһаара бэлиэтэммит. Уот ылбыт сирин иэнэ 1,3 мөл. гектары ааспыт. 2021 сылга бу кэмҥэ 5,9 мөл. гектар иэннээх сиргэ 1422 баһаар бэлиэтэммитэ, .
