Ааспыт сууккаҕа Саха сирин Ленскэй оройуонугар 2 гектар иэннээх сиргэ биир ойуур баһаарын умуллардылар. Балаҕан ыйын 5 күнүн сарсыардатыгар өрөспүүбүлүкэҕэ 16,6 тыһыынчаттан тахса гектар иэннээх сиргэ барыта 33 баһаар умайа турар, диэн регион баһылыгын уонна бырабыыталыстыбатын пресс- сулууспата иһитиннэрэр.
Ону таһынан, сууккаҕа Ленскэй, Өлүөхүмэ уонна Сунтаар оройуоннарыгар 151 гектар иэннээх сиргэ үс саҥа ойуур баһаарын буллулар.
Бүтэһик дааннайынан, саамай элбэх 12 баһаар Алдан оройуонугар, ону тэҥэ 10 ойуур баһаара Өлүөхүмэ оройуонугар, түөрт — Нерюнгрига, икки — Уус Маайаҕа, биирдии- Горнай, Кэбээйи, Ленскэй, Ньурба уонна Сунтаар оройуоннарыгар бэлиэтэннэ. 3194 гектар иэннээх сэттэ баһаары тохтоттулар.
