27 Ыам ыйа 27.05
  • 24°
  • $ 89,7
  • 97,1

Оборуона миниистирин кэргэнэ композитор Марк Жирков сиэнэ дуо?

15:01, 14 мая
Текст:
Хаартыска: Саха сирэ саайт
Читайте нас на
Яндекс Новости
ЯДВ
«Сергей Шойгу оннугар Оборуона миниистиринэн анаммыт Андрей Белоусовы сахалар күтүөппүт, кэргэнэ Лариса — композитор Марк Жирков сиэнэ» диэн иһитиннэрии социальнай ситимнэргэ тарҕанна. Белоусов кэргэнэ, дьэ, кимий?
Хаартыска: Д.Рылов.

Андрей Рэмович иккис кэргэнэ Лариса Владимировна Белоусова (Авдеева) 1961 сыллаахха төрөөбүтэ, экэнэмиис үөрэхтээх, суруналыыстыканан дьарыктанар. ТАСС кэмпириэнсийэлэрин тэрийэр уонна «Ведомости» хаһыат бырайыактарын салайар.

Лариса Владимировна Марк Жирков сиэнэ буолуон сөп дуо? Улуу композитор сиэн балта Татьяна Руфова ахтарынан, Марк Жирков төрөппүт оҕото суох этэ. Кини Бүлүү аҕабытын кыыһын Поликсиния Алексеевнаны кэргэн ылбыта. Оҕолоро суох буолан, сиэн быраатын — 9 саастаах Егор Руфову-Төбөтү иитэ ыла сылдьыбыттар, муусукаҕа үөрэттэрбиттэр. Ол эрээри, Төбөт дьонун, дойдутун ахтан, күрээн хаалбыт.

Оттон Марк Жирков түөрт бииргэ төрөөбүттээх этэ. Билэр дьон: «Лариса Владимировна — кини бииргэ төрөөбүтүн сиэнэ» дииллэрэ оруннаах курдук. Оннук буоллаҕына, Оборуона миниистирин кэргэнэ Саха сириттэн төрүттээх, саха хааннаах эбит.

Марк Николаевич эбэтэ саха этэ, Бүлүү хаһааҕа Семен Жирковка кэргэн тахсыбыта. Кинилэр уоллара Николай Семенович — Марк Жирков аҕата, олус үчүгэй куоластаах ырыаһыт бэрдэ этэ. Ийэтэ Прасковья Михайловна нуучча кыыһа, икки тылынан холкутук кэпсэтэрэ, ыллыыра. Жирковтарга олоҥхоһуттар кэлэн олоҥхолууллара, ол ону барытын кыракый Марк иҥэринэн улааппыт. Жирковтар биэс оҕону төрөтөн, улаатыннарбыттара диэн Национальнай бибилэтиэкэ саайтыгар суруллар.

Хаартыска: Д.Рылов.

2018 сыллаахха Москватааҕы консерваторияҕа Марк Жирков аатынан куонкурус кыайыылаахтарын наҕараадалааһыҥҥа композитор дьиэ кэргэнин аатыттан «Доверие молодым» анал бирииһи Галина Ивановна Авдеева уонна Лариса Владимировна Белоусова туттарбыттар. Бу бирииһи Дьокуускайдааҕы Муусука үрдүкү оскуолатын бүтэрбит Александр Степанов туппут диэн Москватааҕы консерватория саайта суруйар.

Онон Лариса Белоусова Марк Жирков чугас аймаҕа буолара, Саха сириттэн төрүттээҕэ чуолкай эбит. Саха хааннааҕа дьүһүнүгэр да көстөр курдук.

Ааптар: Ангелина Васильева, Саха сирэ саайт

Следите за самым важным и интересным в Telegram-канале и WhatsApp-группе ЯСИА
Тутаах тыллар