2024 сыл түөрт ыйыгар Саха сиринээҕи доруобуйа харыстабылын катастрофа медицинатын киинэ 637 санитарнай сорудаҕы оройуоннааҕы киин балыыһалартан тутта.
Бу кэмҥэ быраастар 431 көтүүнү уонна 25 сиринэн айаны оҥордулар. Ол туһунан биэдэмистибэ пресс-сулууспата суруйда.
Барыта экстреннай медицина көмөтө 961 ыарыһахха, эчэйбиккэ оҥоһулунна, ол иһигэр 153 оҕоҕо. Санитарнай авиация 95% түгэнигэр Ми-8 бөртөлүөтү туһанна.
Саамай элбэх ыҥырыы хаан систиэмэтин кытта сибээстээх ыарыыларга — 421. Маны сэргэ экстреннай көмө 167 эчэйиилээх, оһолломмут, уокка буспут, үлүйбүт пациеннарга оҥоһулунна. Итиэннэ 84 хат дьахтарга, төрүүр уонна төрөөн баран сылдьар кэмигэр.
83 киһи ис уорганынан эвакуацияланна.
