Үөрэх бүттэҕинэ, оҕолор сайыҥҥы сынньалаҥнарын тэрийиигэ былааннаах үлэ ыытыллар. Онон оҕолор, мэлдьи буоларын курдук, араас лааҕырдарга, сынньалаҥ базаларыгар, өрөспүүбүлүкэ тас өттүгэр сынньанар, үлэлиир эбэтэр эмтэнэр кыахтаахтар.
2016 с. оҕолор аһылыктарын, путевка, арыаллааччылар айаннарын, педагогтар уонна эмчиттэр үлэлэрин төлөбүрүн үбүлээһин кээмэйэ улаатыннарылынна.
Бу сайын оҕолору сынньатар уонна чэбдигирдэр 600-тэн тахса тэрилтэ оҕолору ыларга бэлэм. Былырыын сынньанааччылар уопсай ахсааннарыттан 27% – үөрэх, 20% – үлэ лааҕырын, 17% – спорт, 15% – экологическай-кыраайы үөрэтэр, 13% – уус-уран-прикладной хайысхалаах лааҕырдары талбыттара.
CӨ Үөрэххэ министиэристибэтин көҕүлээһининэн, оҕолору өрөспүүбүлүкэ таһыгар сынньатыы салҕанар. Былырыын 5650 оҕо сынньаммытыттан, 1300-тэ Краснодар кыраайыгар доруобуйаны чэбдигирдэр лааҕырдарга сынньаммыта. Быйыл эмиэ «Артек», «Орленок», «Океан» лааҕырдарга уонна Крым, Краснодар кыраайыгар барыахтара.
