27 Ыам ыйа 27.05
  • 23°
  • $ 89,7
  • 97,1

Саха сиригэр медицинскай реабилитацияны СВО 141 кыттыылааҕа ааста

Фото: архив ЯСИА
Читайте нас на
Яндекс Новости
ЯДВ

Саха сиригэр өрөспүүбүлүкэ баһылыга Айсен Николаев көҕүлээһининэн анал байыаннай дьаһалга кыттар байыастарга уонна кинилэр дьиэ кэргэттэригэр көмө оҥоһуллуута салҕанан барар. Үлэ уйулҕа уонна медицина хайысхаларынан ыытыллар.

Ол туһунан бырабыыталыстыба бэрэссэдээтэлин солбуйааччы Ольга Балабкина эттэ.

Вице-премьер бэлиэтээбитинэн, Ньурба оройуонугар ыччакка психологическай көмө киинин филиала арыллыбыта. «Маны сэргэ көмө байыаннай госпиталларга Уһук Илиҥҥэ, Санкт-Петербург уонна Москва куораттарга оҥоһуллар. Ааспыт сыл сэтинньититтэн саҕалаан, быраас-волонтердар алта биригээдэлэрэ үлэлээтилэр. Хамаандаҕа уопуттаах медиктар, орто медицина персонала бааллар», — диэтэ Балабкина.

Салайааччы олунньуга Дьокуускайга Ростовтан уонна Хабаровскайтан биригээдэлэр кэлбиттэрин эттэ. Үлэ түмүгүнэн быһаарыы ылылынна, маршрут оҥоһулунна.

«Өссө биир биригээдэ Уһук Илин куораттарыгар үлэлиир, биир дойду илин регионнарыгар үлэлииргэ бэлэмнэнэр. Үлэ уонна доруобуйа харыстабылын министиэристибэлэрин тэрилтэлэригэр медицинскай реабилитация салҕанан барар, билиҥҥи туруганан 141 СВО кыттыылааҕа уонна 96 кинилэр дьиэ кэргэттэрин чилиэннэрэ көмө ыллылар. Психолог өҥөтүнэн биэс тыһыынча кэриҥэ киһи туһанна», — диэтэ кини.

Байыаннай сулууспалаахтар дьиэ кэргэттэригэр биир кэмнээх 200 тыһ солк суумалаах көмө харчы тириэрдиллэр.

Следите за самым важным и интересным в Telegram-канале и WhatsApp-группе ЯСИА