16 От ыйа 16.07
  • 21°
  • $ 87,81
  • 95,78

Саха сиригэр маассабай спорт сайдыытыгар былаан оҥоһуллар

10:01, 14 апреля 2022
Текст:
Читайте нас на
Яндекс Новости
ЯДВ

Физкультура уонна спорт сайдыытыгар өрөспүүбүлүкэ баһылыгын Сэбиэтин мунньаҕа буолла. Манна нэһилиэнньэ спортивнай инфраструктуранан хааччыллыыта «Демография» национальнай бырайыак соруктара туолуутугар тириэрдэрэ этилиннэ.

«Элбэх көрүҥнээх спортивнай былаһааккалар, уулусса тренажердара олорор дьиэни тутуу бырайыагар киллэриллиэхтээхтэр. Саха сирин килиимэтин учуоттаан, олорор дьиэлэргэ спортивнай саалаларга анаан миэстэлэр баар буолуохтаахтар, онно спортивнай инвентарынан хааччыллыахтаахтар. Манна тутааччы, тэрилтэлэр уонна да атын источниктар харчылара туттуллуохтаах. Чааһынай бизнеһы былааннааһыҥҥа, нэһилиэнньэ спортивнай сынньалаҥын тэрийиигэ кытыннарар табыгастаах буолуоҕа», — диэтэ Ил Дархан Айсен Николаев.

Кини региоҥҥа маассабай спорт сайдыытыгар былаан оҥоруутугар сорудахтаата. Онно тутууга үөһэ этиллибит, муниципалитеттар спортивнай бырайыактара, спартакиадалары ыытыы барыта киириэхтээх.

Үөрэх тэрилтэлэрин спортивнай саалалара кураанах буолуо суохтаахтар. «Спортсаалалар босхо турар кэмнэригэр нэһилиэнньэ киирэн дьарыктанара көҥүл буолуохтаах», — диэтэ Айсен Николаев.

Мунньахха сыл бастакы аҥара бүтүөр диэри 2030 сылга диэри оҕо спордун сайдыытыгар бырагырааманы бигэргэтэр уонна үлэтин саҕалыыр этилиннэ. Оскуолаларга физкультура чааһа элбиэхтээх, ГТО бырагырааматын киэҥник тарҕатыллыахтаах. Ол түмүгэр 2024 сылга физкультуранан уонна спордунан дьарыктанар оҕо ахсаана 80%-тан кырата суох буолуохтаах.
Хаартыска Андрей Сорокин
Следите за самым важным и интересным в Telegram-канале и WhatsApp-группе ЯСИА