Саха сиригэр үгэскэ кубулуйбут «Өлбөт үөстээх полк» сэлэлии хаамыы, Россия атын регионнарыгар курдук, ыытыллыбат. Быйыл дьаһал атын киэбинэн барар.
Ол туһунан СӨ Уопсастыбаннай палаататын бэрэссэдээтэлэ Николай Бугаев эттэ. Суоппардар массыыналарын кэннинээҕи эбэтэр ойоҕос түннүктэригэр бэтэрээн хаартыскатын иилиэхтэрин сөп.
Саха сирин олохтоохторо герой хаартыската ойууламмыт таҥаһы эбэтэр герой мэтириэттээх бейджтары кэтиэхтэрин сөп.
Ыам ыйын 9 күнүгэр «Өлбөт үөстээх полк» дьаһал саайтыгар кыайыыны уһансыбыттар сирэйдэрэ эҕэрдэ видеонан аккырыыккаларга көстүөҕэ. Мэтириэттэр чугаһытыллан көрдөрүллүөхтэрэ, онон хас биирдии Аҕа дойду улуу сэриитин кыттыылааҕын сирэйэ чуолкайдык көстүөҕэ.
Сайтка киирэн, бэтэрээн аатын «Поиск»-ка суруйдахха, кини туһунан информация тахсыаҕа. Билигин хаартыскалары уонна докумуоннары ыытыахха сөп сайт аадырыһыгар.
