Саха сиригэр кыстыкка сүөһү уонна сылгы аһыгар 443,1 тыһ. туонна баар, ол иһигэр от — 397,7 тыһ туонна, сиилэс — 28,5 тыһ туонна уонна сенаж — 16,9 тыһ туонна.
Барыллаан суоттааһынынан, бэлэмнэниллибит от өрөспүүбүлүкэҕэ тиийэр, атын регионтан от атыылаһыыта былааннаммат, тыа хаһаайыстыбатын министиэристибэтигэр этилиннэ.
Ахсынньы 1 күнүнээҕи туругунан, сүөһү ахсаана бары хаһаайыстыбаларга 201 115 төбө, ол иһигэр ынаҕа – 77 348. Сылгы 213 305 төбө, ол иһигэр биэтэ – 119 991.
Аһатыыга 1083 сылгы киирдэ, бу уопсай ахсаантан 0,5%. Былырыын баччаларга бу көрдөрүү 2949 (1,4%) сылгыга тэҥэ.
