Саха сиригэр Россия президенин ыйааҕар олоҕуран «базовай бэлэм» таһымыгар эрэсиим олохтонно. Дьаһал уопсастыбаҕа куттал суох буолуутун уонна олоҕу-дьаһаҕы хааччыйар эбийиэктэри харыстааһыны күүһүрдэргэ туһуланар.
Регион сүрүн пресс-сулууспата иһитиннэрбитинэн, анал штаб тэрилиннэ, манна куттал суоһааһынын анаалыстыахтара уонна харыстыыр миэрэлэр комплекстарын бэлэмниэхтэрэ. Штабы Ил Дархан Айсен Николаев бэйэтэ салайар.
Санаттахха, дойду президенин ыйааҕыгар олоҕуран, Донецкай уонна Луганскай народнай өрөспүүбүлүкэлэргэ, Запорожскай уонна Херсонскай уобаластарга байыаннай балаһыанньа биллэрилиннэ.
Сорох регионнарга үрдүк уонна орто бэлэм, атыттарга, ол иһигэр Саха сиригэр — «базовай бэлэм» эрэһиимнэр биллэрилиннилэр.
