Саха сиригэр коронавирус ыарыыта элбээтэ. Кэнники сууккаҕа 77 киһи ыарыйда, бу ааспыт сыл ахсынньы ыйыттан ыла саамай муҥутуур көрдөрүү.
Өрөспүүбүлүкэтээҕи оперштаб кулун тутар 3 күнүгэр биллэрбитинэн, 13 ыарыһах балыыһаҕа киирдэ, 25 киһи үтүөрдэ.
Дьокуускайга 39 киһи коронавируһунан ыарыйда. Оройуоннарга саамай элбэх Томпоҕо- 9, Мииринэйгэ — 5, Алдан уонна Кэбээйи улуустарыгар 4- түү.
Бэлиэтээн эттэххэ, Арассыыйаҕа коронавируһунан ыалдьааччы киһи ахсаана күннэтэ элбии турар. Быһыыны-майгыны Роспотребнадзор хонтуруоллуур. Биэдэмистибэ баһылыга Анна Попова иһитиннэрбитинэн, пандемия түмүктэнэрэ ыраах, ол туһунан РИА Новости суруйар.
