20 От ыйа 20.07
  • 22°
  • $ 88,02
  • 96,04

Саха сиригэр «Үйэ оҕото» хапытаалы 4692 ыал тутунна

Фото: Мария Васильева, ЯСИА
Читайте нас на
Яндекс Новости
ЯДВ

Саха сиригэр «Үйэ оҕото» сыаллаах хапытаал үбүнэн 4692 ыал туһанна, уопсай суума 390 мөл 400 тыһ солк. Санаттахха, өйөбүлүнэн 2022 сыл тохсунньу 1 күнүттэн 2027 сыл ахсынньы 31 күнүгэр диэри төрөөбүт оҕолоох эбэтэр оҕо ииттэ ылбыт ыал туттар.

Сыаллаах хапытаал кээмэйэ 2023 сылга, индексация учуоттанан, 105 тыһ солк тэҥ.

Ыам ыйын 30 күнүнээҕи туругунан, барыта 13 837 быһаарыы таҕыста, хапытаалы биэрии туһунан. Кинилэртэн 4692 сайаапкалаах хапытаалын тутунна, уопсай суума 390 мөл 400 тыһ солк, регион пресс-сулууспата иһитиннэрдэ.

Хапытаалы туттууга хайысхаларынан сүрүннээн олорор дьиэ усулуобуйатын тупсарыыга ыыттылар — 3495 сайабылыанньа 283,5 мөл солк, тырааныспар ылыыга 1104 сайабылыанньалаах 99,5 мөл солк.

33 ыал оҕолорун аатыгар бааннарга уурунуу арыйда, 31 – чааһынай хаһаайыстыба тэриннэ, 18 – оҕоҕо үрдүк технологиялаах көмө оҥоруутугар тутунна, 7 – дойду территориятыгар сынньанна, 5 — оҕо үөрэх ылыытыгар.

Быйылгыттан саҥа хайысха эбилиннэ — чааһынай дьиэни гаастааһыҥҥа туттуллар буолла.

Следите за самым важным и интересным в Telegram-канале и WhatsApp-группе ЯСИА