Социальнай пуонда олунньу 1 күнүттэн ийэ хапытаалын өссө туһана илик ыалларга суумаларын индексациялыахтара. Ол туһунан биэдэмистибэ регионнааҕы салаата кэпсээтэ.
Чуолкайдаабыттарынан, 7,5% индексацияны хапытаал сорох чааһын ууруна сытааччы төрөппүттэр эмиэ ылыахтара. Төһөнөн элбэх суума хаалбытынан, эбиллии үрдүк буолуоҕа.
Саамай улахан эбиллиини сертификатынан туһана иликтэр ылыахтара, ол эбэр 44 тыһ солк үрдүөҕэ. Ийэ хапытаала иккис оҕоҕо оҥоһуллубут уонна туттуллубатах буоллаҕына 58 тыһ солк эбиллэр.
Индексацияҕа хапытаал сорох хаалбыт чааһа эмиэ тиксэр. Холобур, 375 тыһ солк хаалбыт буоллаҕына, бу суума 7,5% улаатар. Оччоҕуна дьиэ кэргэн 403 тыһ солк ылар.
Саха сиригэр 55 540 ыал сертификаттарын толору туһана илик. Төһө хаалбытын Госуслуги порталга билсиэххитин сөп.
