12 Олунньу 12.02
  • -34°
  • $ 95,8
  • 99,2

Саха сиригэр Ийэ дойдуну көмүскээччи сылын кэнсиэпсийэтэ бигэргэннэ

Хаартыска: ЯСИА саайта
Читайте нас на
Яндекс Новости
ЯДВ
Патриотическай иитиигэ сүрүннүүр сэбиэт мунньаҕар Ийэ дойдуну көмүскээччи сылын бигэргэттилэр. Мунньаҕы Ил Дархан Айсен Николаев салайан ыытта. Былаас уорганнарын, уопсастыбаннай тэрилтэлэр бэрэстэбиитэллэрэ уонна патриотическай иитиигэ эксперттэр кыттыыны ыллылар. Ол туһунан регион салалтатын пресс-сулууспата суруйда.

«Ийэ дойдуну көмүскээччи сыла – бу тэрээһиннэри ыытыы эрэ буолбатах. Хас биирдии өрөспүүбүлүкэ олохтооҕо дойдубут улуу историятыгар кыттыгастааҕын билиэхтээх, сомоҕолоһуу күүһүн уонна көлүөнэлэр сибээстэрин», – диэтэ Айсен Николаев.

Кэнсиэпсийэ сүрүн сыалынан патриотическай уонна духуобунай — майгы-сигили өттүнэн иитиигэ бары киэптэри холбооһун уонна биир халыыпка киллэрии буолар. Докумуону үлэлэтиигэ биир кэлим бырагыраама уонна бу эйгэҕэ исписэлиистэр идэлээх билиилэрин үрдүк таһымҥа таһаарыы компетенция холобурун оҥоруохтара.

Патриотическай тэрээһиннэргэ өрөспүүбүлүкэ олохтооҕун ахсаанын 50%-тан итэҕэһэ суох дьон кыттыаҕа.

Ыччат миниистирин э.т. Игорь Юргин эппитинэн, биир кэлим бырагыраама судаарыстыбаннай уоргаттарын, олохтоох бэйэни салайыныы уоргаттарын, коммерческайа суох уонна уопсастыбаннай тэрилтэлэри биир тэҥинэн хабан үлэлиэҕэ.

Сүрүн болҕомто ыччаты кытта үлэҕэ ууруллуоҕа — Саха сирин үөрэнээччилэрэ уонна устудьуоннара 100%  патриотическай уонна духуобунай — майгы-сигили иитиитигэр курс төрүттэрин барыахтара.

Мунньахха 1998 сыллаахха ылыллыбыт «О государственной молодёжной политике в Республике Саха (Якутия)» сокуоҥҥа уларытыылары, көннөрүүлэри киллэрэр туһунан эттилэр. Чуолаан, нуорма-быраап аактатыгар «патриотическое воспитание» диэни киллэрэр былааннаахтар.

Следите за самым важным и интересным в Telegram-канале и WhatsApp-группе ЯСИА