Саха сиригэр хааччахтыыр миэрэлэр балаҕан ыйын 30 күнүгэр диэри уһатылыннылар. Тустаах ыйааҕы Ил Дархан Айсен Николаев бэҕэһээ, атырдьах ыйын 30 күнүгэр баттаата диэн СӨ Бырабыыталыстыбатын уонна Ил Дархан дьаһалтатын пресс-сулууспата иһитиннэрэр.
Өрөспүүбүлүкэҕэ коронавирус тарҕаныыта билигин да үрдүк көрдөрүүлээх. Атырдьах ыйын 30 күнүгэр уопсайа 143 киһи коронавируһунан ыалдьыбыт. Дьокуускайга — 85 киһи. Санитарнай-эпидемиологическай турук тыҥааһыннааҕынан хааччахтыыр, дьону ыарыыттан харыстыыр миэрэлэр, балаҕан ыйын 30 күнүгэр диэри уһатылыннылар.
Бу кэмҥэ Саха сиригэр барыта 418 555 доза вакцина кэлбит. 290 тыһ. киһи икки түһүмэхтээх быһыыны толору ылбыт.
