Саха сиригэр элбэх оҕолоох ыал ахсаана сыллата элбиир. Өрөспүүбүлүкэ дойду үрдүнэн үрдүк төрөөһүннээх эрэгийиэннэр ахсааннарыгар киирсэр, суруйда Саха сирэ саайт.
2024 сылга өрөспүүбүлүкэҕэ элбэх оҕолоох ыал ахсаана үс төгүл үрдээн, 34 тыһыынчаны куоһарда. Бу ыалларга барыта холбоон 118 тыһыынча оҕо иитиллэр.
«Саха сирэ Арассыыйаҕа оҕо төрөөһүнүнэн уон бастыҥ көрдөрүүлээх эрэгийиэннэр истэригэр баар, оттон Уһук Илиҥҥэ бастакы сылдьар. Нэһилиэнньэ ахсаана элбиир, өлүү-сүтүү аҕыйыыр», — диэн СӨ Үлэҕэ уонна социальнай сайдыыга миниистир Елена Волкова иһитиннэрэр.
Санатан суруйдахха, Саха сирин баһылыгын балаҕан ыйынааҕы ыйааҕынан элбэх оҕолоох ыаллары эбии өйүүр миэрэлэр көрүллэллэр. Сэтинньи 4 күнүттэн Дьокуускайга элбэх оҕолоох ыал 1-11 кылаастарга үөрэнэр оҕолоро оптуобуска босхо айанныахтара.
