Быйыл өрөспүүбүлүкэҕэ 52,5 тыһыынча гектар уопсай иэннээх сиргэ тыа хаһаайыстыбатын култууратын ыһар былааннаахпыт, диэн иһитиннэрэр тыатын хаһаайыстыбатын министиэристибэтэ.
“Бурдугу 12,3 тыһыынча гектарга (2025 сыл чахчытыттан 110%), сүөһү сиир аһын — 32,3 тыһыынчаҕа (2025 сыл таһымыттан 104%), хортуоппуйу — 6,4 тыһыынчаҕа, оҕуруот аһын — 1,36 тыһыынча гектарга (2025 сыл таһымыттан 111%) ыһар былааннаахтар», — диэн министиэристибэҕэ бэлиэтээтилэр.
Ону тэҥэ 7,4 тыһыынча гектар иэннээх сиргэ паардыахтара.
Сааскы үлэни хааччыйарга хаһаайыстыбалар 852,3 туонна бурдук сиэмэтин аҕалыыга дуогабар түһэристилэр. 884,5 туонна сиэмэ хортуоппуйу атыылаһыы былааннанар. 2026 сылга минеральнай уоҕурдууну атыылаһыы былаана 783,6 туонна.
