23 От ыйа 23.07
  • 21°
  • $ 87,78
  • 95,76

Саха сиригэр босхо гаастааһын былаанын 52% куоһардылар

Читайте нас на
Яндекс Новости
ЯДВ

2022 сылга Саха сиригэр 2041 ыалга босхо гаас киирэрэ былааннаммыта, билигин 3109 сир учаастагар киирдэ. Былааны 52% аһара толордулар. Бу туһунан өрөспүүбүлүкэ национальнай бырайыак чэрчитинэн эбийиэктэри тутуу уонна саҥардыы бырагырааматын мунньаҕар Айсен Николаев сэтинньи 2 күнүгэр иһитиннэрдэ.

Өрөспүүбүлүкэ баһылыга Саха сирин олохтоохторугар, быстах байыаннай хомуурга түбэспит дьоҥҥо гаас киллэрэргэ аналлаах оборудованиелары ылыыга субсидия үлэлиирин санатта. «Муниципалитеттар салайааччылара өрөспүүбүлүкэттэн бэриллэр субсидиялар туһунан дьоҥҥо тиэрдиэхтэрин наада», — диэн сорудахтаата Николаев.

Дьиҥ туругунан, билигин региоҥҥа 1529 дьиэҕэ гаас киирдэ, бу былаан 75 % тэҥнэһэр. Гаас оборудованиетын ылыыга 150 тыһыынча солк. кээмэйдээх субсидия биэриигэ хаалыы баар диэн бэлиэтииллэр.

Манна даҕатан эттэххэ, «Кысыл-Сыр 84 км» магистральнай гаас турбатын тутуута былаан быһыытынан бара турар. «Сахатранснефтегаз»  хампаанньа 19  км магистральнай гаас турбатын тарта. Сыл бүтүөр диэри өссө 24 км тутуллуоҕа.

Следите за самым важным и интересным в Telegram-канале и WhatsApp-группе ЯСИА