«Кружало» атыы-эргиэн киинигэр Дьокуускайга ыам ыйын 26 күнүгэр бохо истиилгэ национальнай таҥас бастакы өрөспүүбүлүкэтээҕи куонкурса буолла. Дизайнер, Саха сиригэр сахабохо истиили, «SakhaBoho» бренди олохтообут Анжелика Кириллина 10 сыллаах айар үлэтигэр ананна.
Куонкуруска 15 модельер өрөспүүбүлүкэ араас улууһуттан кытынна. «Саха бохо истиилэ — саха таҥаһыгар саҥа хайысха. Аан бастаан 2013 сыллаахха баар буолбута, бастакы коллекциябын таһаарбыппар. Элбэх айар кэлэктииптэр бу истиилгэ тигэллэр. Куонкуруска элбэх модельер кэлбит, холобур Тааттаттан, Горнайтан, Ньурбаттан, Амматтан уонна да атыттар», — диэтэ Анжелика Кириллина.
Дизайнер эппитинэн, куонкурус Гран-прита уонна номинациялар кыайыылаахтара «Мозг. Традиция. Мечта» документальнай киинэҕэ уһуллуохтара. Режиссер Мила Кудряшова, сценарист — Дарья Ермолаева, оператор – Иван Семенов.
Гран-прины Таатта оройуонуттан Вера Аянитова ылла. Маны сэргэ «Профессионал», «Творец любитель», «Наше будущее — школьник», «Наше будущее — студент» уонна «Лучший коллектив» номинациялар кыайыылаахтарын буллулар.
Хаартыскалары манна киирэн көрүҥ: https://ysia.ru/pervyj-konkurs-natsionalnoj-odezhdy-v-stile-boho-proveli-v-yakutii/
