29 Кулун тутар 29.03
  • -14°
  • $ 92,26
  • 99,71

Саха сиригэр бастакы кылааска киирии сайабылыанньатын ылыы саҕаланна

Читайте нас на
Яндекс Новости
ЯДВ

Бүгүн, муус устар 1 күнүгэр, Саха сиригэр бастакы кылааска киирии сайабылыанньатын ылыы саҕаланна. Сыллата Дьокуускай куоракка өрөспүүбүлүкэ үрдүнэн саамай элбэх оҕо оскуола боруогун атыллыыр. Былырыын бу сыыппара региоҥҥа 16 тыһыынчаттан тахса эбит буоллаҕына, киин куоракка – 5973 эбит, диэн СИА-ҕа регион баһылыгын уонна бырабыыталыстыбатын пресс-сулууспата иһитиннэрдэ.

«Саха сирэ 2024 сылга диэри Арассыыйаҕа үөрэҕирии хаачыстыбатынан 15 бастыҥ регионнар ахсааныгар киириэхтээх. Маны ситистэхпитинэ, хас биирдии оҕо дьоһун үөрэҕи ыларыгар, төрөөбүт өрөспүүбүлүкэбит уонна дойду туһатыгар бэйэтин кыаҕын олоххо киллэрэригэр, үлэ бары эйгэтигэр конкуреннаһар кыахтаах буоларыгар көмөлөһүөҕэ», — диэн Саха сирин баһылыга Айсен Николаев бэлиэтээтэ .

2022-2023 үөрэх дьылыгар бастакы кылаастарга сайабылыанньаны ылыы «Дьокуускай куорат» уонна өрөспүүбүлүкэ оройуоннарын оскуолаларыгар быйыл муус устар 1 күнүттэн 9.00 чаастан Саха Республикатын государственнай уонна муниципальнай өҥөлөрүн региональнай  портал  нөҥүө оҥоһуллар.

Сайабылыанньаны электроннай ньыманан биэрэргэ төрөппүттэр госуслуги порталыгар регистрацияланыахтаахтар уонна бэйэ учуотунай сирэйи кырдьыктааҕын (регистрацияламматах туһанааччыларга) бигэргэтиэхтээхтэр. Саха Өрөспүүбүлүкэтин судаарыстыбыннай уонна муниципальнай өҥөлөрүн регионнааҕы порталыгар тус кабинекка киирэн, «Оҕону муниципальнай уопсай үөрэх тэрилтэтигэр киллэрии (1 кылаас)» диэн өҥөнү талаллар. Электроннай сайабылыанньаны толорон ыытыахтаахтар.

Порталга тус кабинеккар ыыппыт сайаапкаҕын бэрэбиэркэлиэххэ сөп. Сайабылыанньаны биэрбиккин кэнниттэн сибээс хайа ньыматынан талбыккынан сибээстэһэллэр: электроннай почтанан эбэтэр төлөпүөнүнэн. Ыҥырыы кэллэҕинэ, ыйыллыбыт бириэмэнэн оскуолаҕа докумуоннары илдьэ кэлиэххэ наада.

Булгуччулаах докумуоннар (оригиналлар): оҕо төрөөбүтүн туоһулуур докумуон, төрөппүт киһи личноһын туоһулуур (сокуоннай бэрэстэбиитэллэр).

Сайабылыанньаны 2022 сыл бэс ыйын 30 күнүгэр диэри диэри ылаллар, оҕолору ылыы булгуччу регистрациянан эбэтэр олорор сиринэн барар. Муус устар 1 күнүттэн 2022 с. электроннай сайабылыанньаны биэрбэтэх төрөппүттэр (сокуоннай бэрэстэбиитэллэр) бастакы кылааска ылыы туһунан сайабылыанньаны оскуолаҕа тиийэн биэриэхтэрин сөп.  2022 сыл от ыйын 6 күнүттэн  муниципальнай тэриллиилэр ханнык баҕарар сиртэн сылдьар оҕолору миэстэ баарынан көрөн ылаллар.

Саха сиригэр үөрэх сайдыыта судаарыстыбыннай бэлиитикэ биир тутаах хайысхата буолар. Региоҥҥа сыл аайы 10- тан итэҕэһэ суох аныгы оскуола үлэҕэ киирэр. «Үөрэхтээһин» национальнай бырайыак чэрчитинэн былырыын 1320 миэстэлээх 10 оскуола үлэҕэ киирбитэ. 2021 сылга өрөмүөн үлэтэ 191 оскуолаҕа ыытыллыбыта.

Быйыл эбии миэстэлэри тэрийэр бырагыраама чэрчитинэн, Дьокуускай куоракка 5№ уонна 12 №- дээх уонна Хатас орто оскуолатыгар сыһыарыы тутуу түмүктэниэҕэ.

Следите за самым важным и интересным в Telegram-канале и WhatsApp-группе ЯСИА