Өрөспүүбүлүкэ баһылыга Айсен Николаев «Муҥутуур бэлэм эрэһиимин киллэрии туһунан» 2020 сыл кулун тутар 17 күнүгэр ыллыбыт ыйаахха эбиилэри киллэрдэ. Регион территориятыгар COVID-19 эпидемиятын тарҕаныытын утарыыга ылыллыбыт хааччахтыыр миэрэлэр бэс ыйын 21 күнүгэр диэри уһатылыннылар, сүрүн пресс-сулууспа иһитиннэрэр.
Олоҕу-дьаһаҕы хааччыйар тэрилтэлэртэн атын тэрилтэлэр үлэһиттэрэ бэс ыйын 21 күнүгэр диэри «удаленнай» эрэһиимнэрэ салҕанар.
Үлэлииллэрэ бобуллубатах атыы-эргиэн уонна бытовой өҥөнү оҥорооччулар мааската суох дьон наадыйыытын толорбот бырааптаахтар.
Хас өрөбүл күн тэрилтэлэр генеральнай суунуу-соттуу үлэтин ыытыахтаахтар, хайаан да дезинфекциялыыр сириэстибэни туттуохтаахтар.
Өрөспүүбүлүкэ кылаабынай санитарнай бырааһын көҥүлүнэн, хааччахтааһыннары сымнатыы бастакы түһүмэҕэр быһаарыылар ылылыннылар.
Дьокуускайга, Жатайга, Булуҥ улууһун Тиксиитигэр, Алдан, Ленскэй, Мииринэй, Нерюнгри оройуоннарыгар, Хаҥалас улууһун Покровскайыгар, Мэҥэ Хаҥалас улууһун Аллараа Бэстээҕэр, Майаҕа, Хараҥҥа, маны сэргэ Нам улууһун Ленскэйигэр, Үөдэйгэ, Искраҕа, Модукка, Никольскайга, Партизаҥҥа, Таастаахха, Түбэҕэ, Хамаҕаттаҕа, Хатыҥ Арыыга, Хатырыкка, 1-кы Хомустаахха, Маймаҕыга, Бөтүҥҥэ элбэх кыбартыыралаах дьиэлэргэ баар атыы-эргиэн тэрилтэлэрэ, өскөтүн туспа киирэр ааннаах, «4 кв.м. — биир киһи» диэн быраабылаҕа маҕаһыыннарын иэнэ сөп түбэһэр буоллаҕына, көҥүллэнэр.
Сиһилии: https://ysia.ru/dejstvuyushhie-ogranichitelnye-mery-v-yakutii-prodleny-do-21-iyunya-vklyuchitelno/
