Саха сиригэр атыы эргиириттэн 2000-тан тахса хаа снюс таһаарылынна. 1399 маҕаһыын уонна кафе бэрэбиэркэлэннэ. Бу туһунан Роспотребнадзор иһитиннэрдэ.
Ахсынньы 23 күнүттэн саҕалаан, күн бүгүнүгэр диэри регионнааҕы Роспотребнадзор үлэһиттэрэ 1399 атыы уонна уопсастыбаннай ас эбийиэктэрин бэрэбиэркэлээтилэр. Эргииртэн 2000-тан тахса хаа снюһу таһаардылар. Административнай буруйу кэһиигэ боротокуоллар оҥоһуллан, арбитражнай суукка ыытылыннылар.
Маны сэргэ, тохсунньу 20 күнүттэн олунньу 27-гэр диэри 25 оройуоҥҥа 139 оҕо үөрэҕин тэрилтэлэригэр лекциялар ааҕылыннылар. Иһитиннэрэр-сырдатар үлэ тэрилиннэ. Барыта 7116 үөрэнээччи кытынна, видеоматырыйааллар көрдөрүлүннүлэр, листовкалар тарҕаннылар.
Роспотребнадзор исписэлиистэрэ иһитиннэрбиттэринэн, бобуулаах снюс аналогтара ыас, кэмпиэт, леденец быһыытынан тарҕаналлар.
Өскөтүн никотин буккаастаах бородууксуйа атыыланар сирдэрин (маҕаһыыннар, киоскалар, интернет-источниктар уонна да атыттар) биллэххинэ Роспотребнадзор управлениетын төлөпүөнүгэр эрийэргитин күүтэллэр: 8-800-550-21-24.
