22 От ыйа 22.07
  • 15°
  • $ 88,02
  • 96,04

Саха сиригэр Амур тигра: Экология министиэристибэтэ видеоҕа хоруйдаата

14:01, 12 декабря 2022
Текст:
Читайте нас на
Яндекс Новости
ЯДВ

Бэнидиэнньиккэ Саха сирин социальнай ситимнэригэр видео тарҕанна. Манна Амур тигра, быһа барыллаан, Алдан оройуонугар сылдьара көстөр диэн этиллэр.

Экология министиэристибэтигэр эппиттэринэн, видео эрдэ эбэтэр атын региоҥҥа уһуллубут буолуон сөп. «Госэконадзор Алданнааҕы кэмитиэтэ Амур тигра сылдьарын көрбүт дьонтон тыллабыр туппата. Госинспектордар сабаҕалыылларынан, бу эрдэтээҥи устуу эбэтэр атын региоҥҥа түһэрии буолуон сөп, билигин Алдаҥҥа хаар халыҥ, киһини курданарынан, оттон видеоҕа хаар чараас», — биэдэмистибэ иһитиннэриитигэр этилиннэ.

Информацияны бигэргэтэргэ кэмитиэт тигры көрбүттэри эбэтэр видео ааптардарын Алданнааҕы инспекцияҕа: 8(41145) 3-40-24 нүөмэринэн иһитиннэрэргитигэр көрдөһөр. Кыһыл кинигэҕэ киллэриллибит Амур тигра Саха сирин территориятыгар көстөрө биирдиилээн эрэ баар.

Санаттахха, ааспыт сылга кыылы Боллохтоох өрүс төрдүгэр көрбүттэрэ.

Следите за самым важным и интересным в Telegram-канале и WhatsApp-группе ЯСИА