Саха сиригэр ааспыт сууккаҕа түөрт ойуур баһаарын умуллардылар. Мониторинг көмөтүнэн үс саҥа уоту буллулар. От ыйын 16 күн сарсыарда 119 ойуур баһаара уонна биир ландшафтнай баһаар баара.
46 ойуур баһаарын умулларыыга үлэ бара турар, онтон Алдан, Үөһээ Халыма, Нерюнгри, Уус-Маайа оройуоннарыгар сэттэ уоту тохтоттулар. Умуруорууга 973 киһи уонна 23 тиэхиникэ үлэлиир.
Өрөспүүбүлүкэ аҕыс оройуонун Алдан, Абый, Бүлүү, Уус-Алдан, Өлүөхүмэ, Мииринэй, Уус-Маайа уонна Эбээн-Бытантай сиригэр-уотугар баһаары утары ураты режим ылыллан турар.
Амма, Алдан, Нерюнгри, Өймөкөөн, Өлүөхүмэ уонна Уус- Майа оройуоннарыгар муниципальнай таһымнаах ЧС режимэ үлэлиир.
