Атырдьах ыйын 4 күнүгэр Саха сирин 11 оройуонугар 40 тыһыынча гектар иэннээх сиргэ 51 ойуур баһаарын умуллара сылдьаллар.
Сууккаҕа 2 500 гектар иэннээх сиргэ 20 баһаары тохтоттулар. Бу туһунан брифинг кэмигэр экология министиэристибэтин ойууру харыстааһыҥҥа уонна оҥорон таһаарыыга департаменын салайааччыта Алексей Гоголев иһитиннэрдэ.
Баһаары умуруорууга 1371 киһи уонна 46 тиэхиньикэ үлэҕэ тардылынна. Маны таһынан, 16 салгын суудуната уоту кэтээн көрүүгэ уонна умулларыыга үлэлиир.
