13 От ыйа 13.07
  • 26°
  • $ 87,74
  • 95,76

Саха сиригэр 58 тыһыынчаттан тахса оҕо сайыҥҥы лааҕырга сынньаныаҕа

10:01, 28 марта 2023
Текст:
Фото: Айал Черноградский/ЯСИА
Читайте нас на
Яндекс Новости
ЯДВ

Сайын Саха сиригэр 521 лааҕыр арыллыаҕа, онно 58,6 тыһыынча оҕо сынньаныаҕа. Байыаннай сулууспалаах дьиэ кэргэнин оҕолоругар босхо путевка бэриллиэҕэ. Ол туһунан регион салалтатын пресс-сулууспата иһитиннэрдэ.

Улуустарга уонна куорат уокуруктарыгар барыта 426 күнүскү, 38 куорат таһыгар стационарнай, 39 үлэ уонна сынньалаҥ, 18 балаакканан лааҕыр арыллыаҕа. Спорт 14 көрүҥэр 10 лааҕыр Чурапчыга, Алдаҥҥа, Уус Алдаҥҥа, Сунтаарга, Намҥа, Хаҥаласка арыллыахтара.

840-тан тахса оҕо өрөспүүбүлүкэ таһыгар лааҕырдарга сынньана барара былааннанар, путевкаларын сыанатын толору эбэтэр быстах төлөөн.

Бырабыыталыстыба бэрэссэдээтэлин солбуйааччы Сергей Местников муус устар 20 күнүгэр диэри сөбүлэҥ суруктары түһэрсэргэ, салгыы ыам ыйын 10 күнүгэр диэри үбүлээһини оҥорорго сорудахтаата.

Үөрэх министиэристибэтэ уонна Тырааныспар министиэристибэтэ оҕолор улуустартан Дьокуускайга уонна өрөспүүбүлүкэ таһыгар тахсыыларын айаннарын боппуруоһун көрөллөрүгэр сорудахтаата.

Следите за самым важным и интересным в Telegram-канале и WhatsApp-группе ЯСИА